ÄNTWERTE VUM SCHÄFFEROT

Schued. Wann ech richteg verstinn, da géif d'Gemeng Schengen keng aktiv Roll iwwerhuele fir dës flott Initiativ ze ënnerstëtzen. Dobäi hätt een sech gutt kennen ee Projet beim Waassertuerm zu Rëmersche virstellen, respektiv op de fréieren Helikopterplazen ? Wierklech schued, dass mer eis mol net weider domadder befaassen. D'Tourismus- a Kulturkommissioun hätt bestëmmt och flott Iddie gehat. Bleift ze hoffen, dass aner Acteuren de Ball unhuelen, net dass herno d'Gemeng Schenge

Laut Schäfferot sinn am Moment 648 gréng a 931 blo Dreckskëschten an eiser Gemeng am Gebrauch. Hei gitt Dir informéiert, wéi d'Gemeng wëllt virgoen fir den 1.1.2027 déi gréng a blo Backen ze ersetzen.

Nieft dem Schuedenersatz vu méi wéi 180.000 € huet dann déi, a mengen Aen onglécklech, Trennung vum Architektebureau Valentiny am Kader vum Campus Baggerweier d'(All)Gemeng(heet) also ronn 109.000 € kascht. Dovunner 43.000,- € als Acompten, plus 40.000,- € Affekotekäschte fir deen 2. Prozess, nieft 26.000,- € fir den éischte Prozess wéinst Diffamatioun. Deemno méi wéi 300.000,- € fir eng onglécklech Trennung?!

Den Ufank ass gemaach. 15 Jugendlecher waren um Event vum 24. Abrëll 2026 dobäi. Merci dem Schäfferot fir déi detailléiert Äntwert, en Annexe.

Säit kuerzem fënnt een um Site vun der Gemeng, wann ee gutt sicht, d’Äntwerte vum Schäfferot op d’Froe vun de Gemengeréit. Dat ass fir de Moment zimmlech ëmständlech, et kéint ee bal mengen, de Bierger dierft se net fannen. Dofir fannt Dir elo op mengem Site een direkte Link op all eenzel Äntwert vu menge Froen. An der leschter Sitzung hat ech dem Schäfferot nach eemol MERCI gesot a proposéiert, fir déi Rubrik méi visibel ze maachen an och op d’SchengenAPP ze setzen.

Ech si frou, dass de Schäfferot meng Initiative mol de Kanner an dem Léierpersonal weiderreecht. Et wier flott wann déi Iddi géif an engem pedagogesche Projet opgegraff ginn.

Inspiréiert vun anere Gemengen hat ech d'Fro gestallt, op d'Ophänke vun de bloe Säck och bei eis kéint eppes bréngen. Elei d'Argumenter vum Schäfferot firwat dat an der Gemeng Schengen net geet.

Ech gouf vun Awunner op déi futtis Strooss ugeschwat an hunn dunn d'Fro weiderginn un de Schäfferot. Elei d'Äntwert, dass dat net prioritär ass.

Zu Bech-Maacher op der Wiss gëtt d'Situatioun net wierklech besser, wann een den Awunner nolauschtert. Mëttlerweil ginn och mol Grille vergiess. Op d'Moossnamen duerginn, déi de Schäfferot d'lescht Joer ergraff huet ? Hei mol d'Äntwer op meng rezent Fro.

De Schengi dréit seng Ronnen an der Gemeng an doriwwer eraus. Laut Ausso vum Schäfferot ass dee Service gutt ugeholl vun de Bierger. Detailer gëtt et awer guer keng, well dat ze vill Opwand wier. Dont acte. Meng Fro viséiert absolut guer net, fir dee Service a Fro ze stellen, well sécher eng Partie Matbierger drop ugewise sinn. Fakten: Am Joer 2025 a bei 2.381 Course, wieren dat der an der Moyenne 8 pro Dag. A bei engem Joresbudget vun 133.715,22 € sinn dat ronn 56 Euro pro