SCHENGEN TIMES #35 [19.9.26]

Merci, dass Dir meng Newsletter SCHENGEN TIMES abonéiert hutt.

Iwwert dëse Wee informéieren ech iech reegelméisseg iwwert meng politesch Aarbecht am Gemengerot zu Schengen.

Drauwelies 2026 ass geschwë fäerdeg. Jo, et hätte kenne méi sinn, mee d'Wënzer si mat der Qualitéit zefridden. An zu Schengen lafen Iwwerleeungen, fir d'Hunnefeier ab 2027 am Ufank Oktober ze maachen, also éischter wéi gewinnt.

Hei ass déi neisten Ausgab vun der Schengen Times [#35]

Matt Bléck op d'Sitzung vum 29. September 2026, elei meng Initiativen a Froen :

• Campus Baggerweier: #zesummen mat der LSAP Gemeng Schengen fuerderen ech, dass an all Sitzung de Point gemaach gëtt a froe wou mir de Moment dru sinn

• Kënstlech Intelligenz am Déngscht vum Bierger: wou steet d'Gemeng konkret an dëser wichteger Fro ? Fannt hei meng Propose fir eng Resolutioun fir ee verantwortungsvollen Ëmgang mat KI.

• Biergerinformatioun: Wier et net un der Zäit, wéi a villen Gemengen üblech, de Bierger ee Guide du citoyen ze proposéieren ?

• Alarmsireenen: an onrouegen Zäite (Dronen iwwert dem Findel) wier et gutt ze wëssen, wéi dat genee an der Praxis fonctionéiert, iwwert déi monatlech Tester eraus. Wien mécht wat ?

An dann nach Äntwerte vum Schäfferot op meng schrëftlech Froen:

• Monumenter heegen a fleegen

• Wee tëscht Wentreng an Elweng

• Mobilitéitswoch 2026

Bonne lecture !

SCHENGEN_TIMES_#35_20260920.pdf

Télécharger PDF • 511KB